DERAEDT, Lettres, vol.4 , p. 370

• DR04_370
• 2074
• DERAEDT, Lettres, vol.4 , p. 370
• Orig.ms. ACR, AL 148; D'A., T.D. 34, n. 114, pp. 258-259.

• 3 NIMES
  3 PARIS
• A MONSIEUR EUGENE GERMER-DURAND
• GERMER_DURAND_EUGENE
• E Parisiis, Da XV P.P. [6 septembre 18]63(1).
• 6 sep 1863
• Paris
• *Doctissimo optatissimo Germero Durando*.

Charissimo et desideratissimo fratri et filio Eugenio Germero Durand, perillustri archaeologo academiae Nemausensis nuper praesidi, etc., S[alutem].

Si meae nondum ad te pervenerunt litterae, eadem fuit causa quae saepe saepius optatissimis votis obstaculo fuit, id est nescio quid simul ex incerta valetudine nimioque pro viribus labore depromptum. Cum vero hodie sole nondum illucescente non mihi necessitas est praeparandi pro monialibus matutinam concionem (die enim dominica congruum videtur ut sacellum conventus propter missam omnibus liberum sit), summa mihi est laetitia, summum gaudium paulisper tecum et de te et de tuis conferre?(2) colloqui. Sed si mihi magna jucunditas est, non minor mihi est timor, ne sub unoquoque verbo quod oblitus seu ignorans grammaticae meae non sine solescismis barbarissimisve transcribo, tu magister, tu doctor, tu rhetor audaciae meae nimia invenias argumenta, et cum tantum severitatis studium erga tam delectabilem filium tuum demonstrasti, quid erga antiquissimi amici tui menda demonstrabis? Quidquid sit, placeat mihi eadem lingua uti qua tu tam gratam scripsisti epistolam, et si temeritas est, mihi aliud apud me quam tua de longe quidem sequendi vestigia accusa desiderium.

Sub paucis diebus Parisiensibus amicis valedicam, teque Nemausi, spero saltem expectabo. Valeas, charissime, tuisque filiis amicis et charissimae conjugi si non invictam saltem insuperandam valetudinem reporta. Tuissimus.