DERAEDT, Lettres, vol.7 , p. 360

• DR07_360
• 3643
• DERAEDT, Lettres, vol.7 , p. 360
• Orig.ms. ACR, AE 308; D'A., T.D. 25, n. 308, p. 250.

• 1 BACCALAUREAT
  1 COLLEGE DE NIMES
  1 CONCILE DU VATICAN
  1 MISSION DE BULGARIE
  1 NOMINATIONS
  1 ORPHELINATS
  2 BAILLY, EMMANUEL
  2 CHAMBOURDON, FRANCOIS
  2 FRANCOIS, CHARLES
  2 GALABERT, VICTORIN
  2 HALLUIN, HENRI
  2 LAURENT, CHARLES
  2 MALASSIGNE, ATHANASE
  2 MARTIN, VITAL
  2 MAUBON, JOSEPH
  2 MOREL, PIERRE-BAPTISTE
  3 ANDRINOPLE
  3 ARRAS
• AU PERE FRANCOIS PICARD
• PICARD François aa
• Nîmes, le 23 juillet 1869.
• 23 jul 1869
• Nîmes
• Evêché|de Nîmes

Carissime,

Praeparatio futurae synodi oecumenicae cogit me ad assuefaciendam imperitiam meam linguae latinae omni conatui, ex quo facilitas quaedam seu linguae seu styli exsurgere poterit. Quapropter ne mireris, si sermone latino usurus sim in epistolis meis.

Solemnitates a te narratae(1), summo mihi sunt gaudio. Et nos equidem nostras habuimus laetitias. Etenim sex laureae praesentavimus alumnos, et septem diplomate insigniti fuerunt(2). Impossibile est, certissime dicis, carissime. Nec tamen mirum. Sex a nobis designati fuere ut examinis capaces, et omnes quidem triumphaverunt; septimus vero, qui tantum licentiam a nobis acceperat, optimam invenit sortem. Hinc dici potest quod sex fuere praesentati, et septem electi. Pater Emmanuel laetatur, Pater Laurentius jubilat, psallit, saltat, sex per diem tabachi capsas evacuat.

Quoad religiosos a nobis Atrebatem mittendos, nulla mihi alia remanet propositio. Si non vis reddere fratrem Josephum, solum fratrem Carolum accipies; si Josephum reddis, patrem Franciscum accipies. Quoad patrem Athanasium, eum promisi Adrianopolitanis patribus, ipse Adrianopolim expetivit, et absente patre Galaberto cujusdam capitis opus est. Erras, cum quereris certissime. Hoc tibi enim observandum vellem: 1° patrem Franciscum multo doctiorem esse, plus ingenii habere quam patrem Petrum-Baptistam; 2° fratrem Carolum toto coelo distare a fratre Vitali. Libentissime Atrebatem perget, et certus sum quod paulo citius paulo tardius optissimum magistrum faciet. Ne putes, me illum ut inutilem e collegio removere, sed fratrem Josephum ut disciplinae praefectum in futurum praeparare volo, et si hoc anno remanet, certissimo vertente anno, illum a patre Halluino absolute requiram. Melius certe foret, si unusquisque propositis suis peculiaribus desideriis quod jam a certo tempore praeparavi, acciperet.

Vale et ora pro me.