DERAEDT, Lettres, vol.13 , p. 148

• DR13_148
• 6740
• DERAEDT, Lettres, vol.13 , p. 148
• Copie de la main du Fr. Maxime Viallet, ACR, KM 71.

• 1 CHAPITRE GENERAL DES ASSOMPTIONNISTES
  1 COMMUNAUTES ASSOMPTIONNISTES
  1 FONDATION DES ASSOMPTIONNISTES
  1 NOTRE-DAME DES CHATEAUX
  1 PROJET D'UNION AVEC LES ERMITES DE SAINT-AUGUSTIN
  1 REGLE DE SAINT AUGUSTIN A L'ASSOMPTION
  2 PIE IX
  2 VAILHE, SIMEON
  3 ALES
  3 ANDRINOPLE
  3 ARRAS
  3 BEAUFORT-SUR-DORON
  3 CLAIRMARAIS
  3 NIMES
  3 PARIS
  3 PHILIPPOPOLI
  3 SAINT-OMER
  3 SAVOIE
  3 VIGAN, LE
• AU PERE BELLUOMINI, SUPERIEUR GENERAL DES ERMITES DE SAINT-AUGUSTIN
• BELLUOMINI Jean osa
• [Nîmes, le 14 juillet 1879].
• 14 jul 1879
• Nîmes

Reverendissime Pater,

Jam ab anno 1845 in civitate Nemausensi fundata est ab Emmanuele d’Alzon sacerdote Congregatio presbyterorum a B. Maria V[irgine] in coelos assumpta nuncapata, sub regula Sancti Augustini, cujus alumni propter propriam sanctificationem ad hunc scopum praecipue incumbunt, ut, tum in educanda juventute, tum in praedicatione Verbi divini, sive in regionibus christianis, sive apud infideles Christi imperium in proximorum animis extendant.

Anno 1850, primi hujus Congregationis sodales, de licentia Ordinarii vota simplicia paupertatis, castitatis et obedientiae ad tempus emiserunt. Anno vero sequenti, 1851, in Parisiensi dioecesi, petente archiepiscopo, domum condiderunt.

Haec societas Sanctae Sedi jam notificata et ordinariis Nemausensi et Parisiensi commendata, die 1a mai anni 1857, Laudis decreto decorata fuit. Postea, constitua domo novitiatus, per decretum diei 26 novembris, anno 1864, a Sancta Sede approbata et confirmata fuit, uti Congregatio votorum simplicium, sub regimine Moderatoris generalis.

Exinde, Deo favente, plures conventus diversis in civitatibus erecti sunt et praeter domos quae Nemausi et Parisiis exstant, et missiones Hadrianopoli et Philippopoli fundatas, Augustiniani ab Assumptione, de petitione aut de licentia ordinariorum, conventus habent in locis vulgo dictis: Arras, Le Vigan, les Châteaux près Beaufort (Savoie), Clairmarais (près Saint-Omer), Alais.

Quoniam autem haec nostra Congregatio regulam sancti Augustini sequitur, et hac de causa etiam ab eodem Sancto Patre denominata est, ideo in votis habuit unionem cum Ordine principali Eremitarum Sancti Augustini: ad quam unionem efficiendam etiam s. memoriae Pii PP IX benevola hortamenta habuit, repetita in anno qui mortem ejusdem praecessit.

Quare in praehabitis generalibus nostrae Congregationis capitulis de hac unione procuranda saepe actum est. Singulis praeterea capitularibus religiosis nominatim ac private quid de ea re sentirent interrogatis, omnes voto unanimi unionem approbarunt, plerique instantius flagitarunt.

Quae quum ita sint, si omnino regularem et testatam rogationem a capitulo generali nostro expromptam petieris, certior equidem tuis litteris factus, rem ad Capitulum ego referam quod die prima septmnbris sum vocaturus. Interea, nostra desideria jam nunc certissima et apertissima hujus unionis ad effectum adducendae deferenda ad tuam Paternitatem censui, ut, dummodo ita tibi placeat, apud Summum Pontificem rem totam geras secundum propositas in annexo folio conditiones.

Et ideo Superior generalis Congregationis et alii qui Congregationem regunt, a Paternitate vestra Reverendissima rogant hanc postulationem nostram cum praedictis conditionibus benigne accipere(1).

Nemausi, die 14 julii 1879.